死因庭終於對04年4月既天水圍家庭滅門慘案作出結論，社會對呢種家庭不幸都感到可惜，另一個更大的疑問係「ｄ社工同差人係唔係專業？」

身邊既 client 當中，都有abuse既case，所以都好明白果種無助同情緒低落對佢地既影響（當然我係有帶佢地去綜合家庭服務中心la~~^0^~），特別響果派被虐既時間，真係好需要人幫助。佢係一個伯伯，最近我地都安排左佢去另一個地方住，開始安定落黎。有時我會諗，佢唔返得屋企好似好慘（因為呢個係佢被虐既地方），但係今晚見佢同我開完小組後一個搭車走時，我個心都安定左ｄ，因為我知佢會去邊住，而唔係返屋企擔驚受怕。我雖然唔係佢屋企人，俾唔到佢ｄ乜，支持同關心真係佢精神唯一既食糧，真係希望佢生活得開心！

初入職時，我會覺得我響社區中心既setting，可能真係比較少利用家庭服務果種skills去做野，但係兩年以來話俾我知我真係一個前線工作人員，要做社區工作、開組，當中亦唔係case係咁樣接觸返黎！其實，每一個社工都應該有一份警覺性同判斷。

究竟社工專唔專業呢個問題，響學院時都有討論過，現在，我覺得社工係需要有專業既技巧，但係唔可以用專業黎disempower街坊，重有，過份按章工作，缺乏人情咪既社工係唔專業既。

唔知點解今晚我有一個奇想，就係好似《未來報告》咁，可以預知邊一ｄ社會問題同家庭問題，而社工就可以出去做一ｄ預防性既工作，而非補救性工作，咁世界就唔會滅亡 la~ 唉，呢個都係無可能架啦～都係實際ｄ，嘈政府不要ＳＯＧ，投放多ｄ資源俾社福界，唔好掛住削、削、削啦～（呢個或許比《未來報告》既奇想更荒謬！！！）